BUTUAN CITY – Sikop sa Ukrainian forces ang duha ka mga samarang mga sundalo sa North Korea sa may Kursk Oblast sa Russia, kini sumala na sa anunsyo ni President Volodymyr Zelensky kagahapong adlawa.
Sa kasamtangan, naaa na sa Kyiv ang mga sundalo ug nagpaalim na sa ilahang mga samad, anaa usab kini sila ilawom sa kustudiya sa Ukraine’s Security Service. Alayon niini, gidayeg usab ni Zelensky ang Ukrainian paratroopers and Special Operation Forces sa nahimo nilang pagsikop sa maong mga North Koreans, paghulagway pa sa Presidente nga usa matud pa ka lisod nga tahas ang maong kalampusan, kini tungod matud pa kay kasagarang gina-kutlo na lamang sa mga Russian ug North Korean forces ang mga samarang North Koreans arun matago ang ilahang pagkalambigit sa maong gyera.
Ang pamahayag ni Ukrainian President Volodymyr Zelensky. Sumala sa report sa Security Service of Ukraine nga nadakpan matud pa sa Ukrainian Militaries ang maong mga North Koreans niadtung January 9 kay kinahanglang mo sunod sa patakaran sa international law, kansa ipahibalo kanila pinaagi sa mga interpreters.
Alayon niini, gikabutyag usab sa usa ka dinakpan nga gi isyuhan matud pa siya og Russian military ID ug ning pailalom og training niadtu pa lamang 2024, samtang ang uban kanila, dili matud pa dokumentado.
Gipahibalo na ni Zelensky ang Security Service of Ukraine nga tugotan ang mga journalists nga maka kuha og access sa maong mga piniriso, kini arun matud pa sma expose ang kabuhat sa North Korea ug kung unsa usab ang ilahang papel sa gyera taliwala sa Ukraine ug Russia.
