BUTUAN CITY – Gikumpirma ni Surigao City Police Director Supt. Diomedes Cuadra Jr. nga nagpakita na sa ilang police station ang babayeng maoy gitudlong hinungdan sa pagtubok-patay sa 18-anyos ulitawo pila ka adlaw adiser ang Valentine’s Day.
Sigon ni P/Supt. Cuadra sa eksklusibong interbyu sa Bombo Radyo Butuan, hilabihan ang gibating kaguol sa babaye human nasayran ang balita nga nagtubok ang iyang gibulagang uyab.
Una nang nakit-ang nagbitay ug wala nay kinabuhi si Renjoy Rosales sulod sa iyang gi-abangang lawak sa may Parrucho St., Brgy Washington, Surigao City.
Duna pa kini’y gibiling mensahe nga gisulat sa bungbong nga ipatan-aw ang gihimo niyang suicidal video diha sa cellphone adiser nagpakamatay.
Makita sa maong video ang emosyunal nga pagpanamilit sa ulitawo nga nangayo daan og pasaylo og gipakita dayon ang pisi nga gigamit niini sa paghikog. (Bombo Rolan Janea)