BUTUAN CITY – Gidepensahan sa Department of Tourism kon DOT-Caraga ang Sugba Lagoon sa may Caob Island, lungsod sa del Carmen, Siargao Island, Surigao del Norte nga subject sa post sa singer nga si Yeng Constantino human na-aksidente ang iyang banang si Yan Asuncion ning mi-aging adlaw.
Gitin-aw usab sa director nga wala’y angayang ikabalaka sa post ni Constantino tungod kay mas makatabang pa hinuon kini sa promosyon sa rasong mas dayuhin kini sa mga turista ilabina niadtong mahilig sa mga extreme activities.
Sa eksklusibong interview sa Bombo Radyo Butuan, gipadayag ni DOT-Caraga regonal Director Ma. Ana Nuguid nga ang parte sa Sugba lagoon diin nag-cliff diving si Asuncion, strictly prohibited.
Kini matud pa ang hinungdan nga adiser ang tour sa maong parte sa lagoon, duna pa’y himoung orientation briefing sa tanang mga turista aron ilang masayran ang mga do’s and don’ts dinhi.
