BUTUAN CITY – Gikumpirma sa palasyo sa Malacanang nga wala pa nahisgutan nila Pangulong Ferdinand Marcos jr ang mahitungod sa pag-apil sa Pilipinas sa International Criminal Court kon ICC.
Sigon ni Palace Press Officer Undersecretary Claire Castro wala nahisgutan sa pangulo ug sa iyang gabinete ang posibilidad nga pagbalik sa ICC taliwa sa nagtunhay nga isyu.
Kini tungod kay hangtud karun wala matud pay direktiba angb pangulo mahitungod niini.
Ang nasangpit nga hisgutanan subling nabanhaw human ang paghawa sa nasud sa International Criminal Court sa dihang niatras kini sa Rome Statute sa panahon sa administrasyon ni Pangulong Rodrigo Duterte.
Walay tubag usab ang malakanyang sa mga panawagan nga subling mobalik ang Pilipinas sa jurisdiction sa ICC Samtang mitubag usab si Castro sa mga pasangil nga gisurender sa Pangulong Marcos jr ang mga Filipino sa International Criminal Court imbes nga taralon sa lokal nga hukmanan.
Pasabot ni castro nga mahimong dunggon ang mga kaso sa korte sa Pilipinas apa duna matud pay nagtunhay nga mekanismo nga makig-alayon sa international criminal court lakip na ang pagsurender sa mga akusado kung gikinahanglan.
Dugang pa ni Castro nga ang pagdungog sa usa ka neutral nga korte makatabang aron malikayan ang alegasyon sa political nga impluwensiya og maseguro ang patas nga proseso.
Dunay panawagan usab kini sa mga suporters nila Senador Bong Go og Ronald Dela Rosa nga mo-kalma og respetuhon ang legal nga proseso.
