BUTUAN CITY – Kanselado na ang biyahe sa mga sakyanang pandagat sa may Dinagat Islands Province, Siargao Islands sa Surigao del Norte gikan ug padulong sa pantalan sa Surigao City tungod sa bagyong Ada.
Alayon niini, gi-awhag ni Ronald Anthony Briol, tigpamaba sa Office of the Civil Defense kon OCD-Caraga ang tanang duna’y biyahe agi sa Port of Surigao nga dili una kini ihinayon samtang wala pa’y bag-ong abiso gikan sa Philippine Coast Guard aron dili ma-alanganin sa ilang mga lakaw.
Kaganina, gihimo nila ang pre-disaster risk assessment scenario meeting uban sa mga concerned government line agencies, aron hisgutan ang mga angayang buhaton isip preparasyon sa mga epektong hatud sa bagyong Ada – ang unang bagyo nga misulod sa Pilipinas karong tuiga.
Nanawagan usab siya sa tanan nga magbantay sa mga abiso gikan sa mga hingtungdang ahensya sa gobyerno ug i-monitor ang dagan sa daut nga panahon aron masayod sa mga angayang buhaton.
