Special child angol sa pagka-abo sa ilang balay sa Butuan City

BUTUAN CITY – Padayong nagpa-alim sa mga na-angkong paso sa nagkada-iyang parte sa kalawasan ang usa ka 12-anyos nga special child human na-abo sa sunog ang ilang panimalay sa Purok Pinya-C, Brgy. Basag ning siyudad sa Butuan kaganinang buntag.

 

Sigon sa inahan sa biktimang si Gina Castillano sa eksklusibong pakighinabi sa Bombo Radyo Butuan, gihatud niya sa tunghaan  ang duha niya ka mga anak samtang ang biktima og ang 3-anyos niining manghod maoy gibilin niya sa ilang panimalay.

 

Posible matud pang gidulaan sa biktima ang gidala-dala niining lighter og dihang natarantar na, wala na makagawas sa ilang panimalay rason nga  giluwas gilayon sila sa ilang mga silingan. (Beth Ruiz)