BUTUAN CITY – Wala’y lipod-lipod nga gitawag ni Vice President Sara Duterte si House Speaker Martin Romualdez nga kawatan sa kwarta sa katawhan ug na-anad na pagpuo sa mga negosyong iyang karibal.
Nagdawatan usab matud pa kini og kwarta gikan sa mga ilegal nga tuburan sama sa Philippine Offshore Gaming Operations kon POGOs ug ang iyang POGO lang ang gipabilin.
Sigon ni VP Sara, gawas sa mga kwartang ginadawat sa house speaker, gipangkawkaw usab niini ang kwarta sa National Treasury tungod kay gitinood ang bahad niini nga bawion ang kwarta nga nawala kaniya atol sa kampanya human gi-ugom matud pa nila Pangulong Ferdinand ‘Bongbong’ Jr. ug Liza Marcos.
Dugang pa sa besi-presidente nga nasayud na siya sa pagkatawo sa Speaker Romaldez tungod kay nagka-uban sila sa kampanya kondiin iyang na-obserbahan nga bisan og dili siya psychologist apan maklaro matud pa sa tanang mga tawo duna kini gidala-dala nga bagahe sa iyang kaugalingon ug insecure pa.
