BUTUAN CITY – Usa ka semanang suspendido ang klase og trabaho sa estado sa South Carolina isip kabahin sa pagpangandam aron matala ang zero casualty sa pagkuso-kuso sa bagyong Florence nga nagsugod na paghapak sa maong estado.
Sigon kang Bombo Radyo International Correspondent Lissy Warren, lumad nga taga-Butuan City og kasamtangang nagpuyo sa Colombia Irmo, South Carolina, hurot-hurot na ang baterya, gas og pagkaon sa ilang mga department stores.
Dugang pa ni Warren, ning mi-aging adlaw pa lang gihikling na ang mga residenteng nagpuyo sa coastline sa estado bisan og maayo pa ang lakat sa panahon sa ilang lugar.
Kadaghanan sa mga balay sa coastline gibutangan na og mga dagkong kahoy ang atop aron dili kini basta-bastang madala sa kusog nga huyop sa hangin.
Andam na usab ang lokal nga kagamhanan sa maong estado kondiin nag-deploy na og pwersa sa militar og naka-standby na usab ang rescue team og ang gymnasium nga gigamit nga evacuation center. (Melody Valledor)
