BUTUAN CITY- Wala na napugngan pa ni Sofia Trazona, ang trans child sa kanhi SexBomb Girls member nga si Izzy Trazona sa pagluwat og pamahayag kalabot sa nagpadayon nga kontrobersiya sa iyang stepfather nga si Alvin Aragon.
Sa iyang social media account, direkta nga gi-address niini si Aragon tungod sa gikapoy na kini sa isyu. Sigon ni Sofia nga wala na siya masayod diin naggikan ang kalagot ni Aragon, gani gidepensahan pa kini ug gi-protektahan sa mga interviews apan ang balos niini, puros bati.
Gibutyag usab ni Trazona nga giingong gituok kini ug sa pagtuo nga normal lang apan sa dihang nagdako siya, nakaamgo nga dili kadto maayo.
Gitapos ni Sofia ang iyang mensahe pinaagi sa pagsubli nga wala siyay intensyon nga gub-on ang iyang pamilya ug gusto niya nga magpadayon nga malinawon.
