BUTUAN CTIY – Gipangunahan ni Department of Science and Technology kon DOST Secretary Dr. Renato Solidum uban sa mga opisyal ning siyudad sa Butuan pagpanguna ni Mayor Ronnie Vicente Lagnada ang paglusad sa Smart Eco Butuan 2040 Roadmap sa usa ka convention center ning siyudad kagahapon.
Kabahin sa paglusad ang pag-tour sa mga city officials sa mga bisita ngadto sa unom ka smart city pillars nga gilangkuban sa Smart Economy, Smart Mobility, Smart Living, Smart Environment, Smart Governance ug Smart People.
Sa iyang pagpamulong, gipasabot ni Mayor Lagnada nga tumong sa roadmap nga masustiner ang smart development ning siyudad nga mapahimuslan pa sa sunod nga mga henerasyon.
Magsilbil usab matud pa kining blueprint sa siyudad alang sa inobasyon, ka-episyente ingon man inclusivity.
Si Butuan City Mayor Ronnie Vicente Lagnada.
Samtang gipadayag usab ni DOST Secretary Dr. Renato Solidum nga nag-unang katuyuan sa nasangpit nga progama ang paghatag og smart technology sa ma pilot cities aron ang ilang mga tinguha sa bisan unsa nga natad, hingpit nang mariyalisar.
Si DOST Secretary Dr. Renato Solidum sa pakighinabi sa Bombo Radyo.
