BUTUAN CITY – Nasikop sa kapulisan ang Sangguniang Kabataan kon SK Chairman sa Barangay Masao ning syudad sa Butuan nga si alyas Jojo ingon man ang kauban niining gi-ila lamang sa pangalang si alyas Baki human nakuhaan og 170,000 pisos nga kantidad sa ginadiling drugas.
Atol kini sa gilusad nga drug-buys operation ning kaadlawon lang sa mga sakop sa City Drug Enforcement Unit kon CDEU ug sa pwersa sa Butuan City Police Station kon BCPS1.
Mukabat sa 25 gramos ang nakuhang suspected shabu gikan sa mga suspek, lakip na ang Android phones, buy-bust money ug mga nagkalain-laing drug paraphernalia.
Gikustodiya na sa CDEU ang mga suspek samtang gihikay na ang pagpasaka kanila og kasong paglapas sa Republic Aact 9165 kon mas nailang Comprehensive Dangerous Drugs Act of 2002.
