BUTUAN CITY – Makonsiderang normal pa gihapon ang sitwasyon karun sa kuwait bisan paman sa kada adlaw nga mga buto-buto nga nadungog. Kini ang gipa-ambit ni Bombo International News Correspondent Geraldine Mandam nga namenyu na og Kuwaiti.
Sigon pa niini nga normal ra gihapon ang ilang sitwasyon tungod kay makagawas man gihapon sila kansa moadtu sa grocerihan o mall apan dili lang magdugay.
Pabiling normal ra gihapon ang presyo usab sa mga nag-unang palaliton tungod kay ginamonitor man kini sa gobyerno samtang walay pagsaka sa presyo sa produktong lana.
Apan sa gitrabahoan sa iyang bana, 30 porsiento lang ang pasudlon kada adlaw tungod kay dool kini sa military base sa Estadus Unidos nga maoy gitarget sa Iran.
Gipaambit usab niini ang iyang kakulba tungod kay ning higayona raman siya nakadungog og kusog nga mga pagbusikad maoy hinungdan sa iya gihapong kahadlok.
Niadtong selebrasyon sa pagtapos sa Ramadan kon Eidl Fitr, gibutyag ni Geraldine Mandam nga gibawal ang tapok-tapok aron magparty sa gawas og bisan sa mosque limitado ra usab ang gitugutan.
