BUTUAN CITY – Gibatikos ni House Minority Leader Sandro Marcos ang mga pamahayag ni Senador Imee Marcos batok sa ilang pamilya ilabina sa iyang mga ginikanang sila Pangulong Ferdinand Marcos Jr. ug First Lady Araneta-Marcos, dayong tawag niini nga mga bakak ug wala’y basehan.
Base sa gipagawas nga written statement ni Sandro, sakit alang kaniya nga mi-abot na sa punto nga apil na usab siya sa nadamay, dayong butyag nga siya ug iyang mga ig-agaw maoy makapamatood nga dili tinood ang mga akusasyon sa iyang inahan.
Alang kang Rep. Sandro Marcos, nasubo siya nga gigamit sa Senadora ang isyu aron maghimo og destabilisasyon sa administrasyon sa iyang amahan kansa dili matud pa pamatasan sa usa ka tinuod nga igsoon.
Mi-apela usab ang Kongresista og panaghi-usa ug gi-awhag ang publiko nga dili magpagamit sa mga naratibo nga naghatud og kagubot.
