BUTUAN CITY – Gitangtang na sa probinsyal nga panggamhanan sa Surigao del Norte ang mga requirements nga kinahanglang ipresenta alang sa tanang mga residente sa maong lalawigan nga gustong mu-adto sa Siargao Island sama sa pagpresenta sa negative result sa RT-PCR kon Antigen Test ingon man Travel Authority o Travel Order.
Kini isip pagbukas na sa probinsyal nga panggamhan sa ilang tourism industry base na usab sa gipagawas nga Memorandum Order No. 21-002, series of 2021 ni Surigao del Norte Gov. Francisco Matugas.
Ang maong mga requirements dili na pangitaon sa mga Surigaonons lang nga mu-agi sa mga pantalan sa Dapa, Del Carmen, San Benito, Sta. Monica, Socorro, ug ubang mga seaports sa Siargao.
Apan bisan pa man, gimanduan gihapon ang tanang biyahidor nga musunod gihapon sa mga health protocols nga ipagawas sa matag-munisipyong ilang adtuan.
Sa eksklusibong pakighinabi sa Bombo Radyo Butuan, gipadayag ni provincial administrator Simeon Castrence, provincial administrator sa maong lalawigan, ang mga dili taga-Surigao del Norte nga mu-adto sa Siargao agi sa maong mga seaports, kinahangang mukpresenta og Surigao del Norte e-Health Pass; valid identification card; proof of residency sa Surigao del Norte sama sa ID, Brgy. certification; Mayor’s certification ug susamang mga dokumento kansa mao usa’y ipresenta sa munisipyong ilang adtuan diha sa checkpoint.
Kini isip pagpalu-ag na sa ilang mga border closures tungod kay dili matud pa nila makayang sirad-an na lang hangtud sa hangtud ang ilang mga utlanan ilabina nga tinguha nilang inanay nang mubangon ang ilang ekonomiya pinaagi sa sektor sa turismo.
Apan bisan pa man sa ilang pagpalu-ag sa restrictions, padayong sundan ang mga health protocols aron masigurong dili na madugangan pa ang kaso sa COVID-19 sa ilang lalawigan.
