BUTUAN CITY – All systems go na alang sa Siargao International Game Fishing Tournament nga ipahigayon karong Abril 6 ngadto sa 9, sa lungsod sa Pilar, sa Siargao Island.
Sigon ni Provincial Tourism and Culture Officer Ivonnie Dumadag, andam na ang tanan alang sa maong kalihukan nga anaa na karon sa ikanapulo nga tuig kondiin apil na niini ang mga side events nga ma-enjoy sa mga local og langyaw’ng turista gikan sa game fishing.
Nasayrang mu-abot sa 75 ka mga anglers gikan sa Pilipjnas og sa gawas ang gila-umang mu-compete alang sa mga kategoriyang Biggest Billfish, Biggest Talakitok, Biggest Wahoo/Tangigue og Biggest Dorado kansa duna’y bugting gantiong cash og tropeyo ilabina sa pili -an alang sa mapiling biggest catch in the island.
Apil usab sa mga side events nga mahimong apilan sa mga turista og mga residente ang Game Fishing Art Workshop alang sa elementary school, On the Spot Poster Making Contest sa elementary og secondary, Photo Exhibit nga duna’y temang “Celebrating a Decade of Game Fishing”, Tiange-Tiange sa Siargao, Siargao Island Discovery Tour, 1st Siargao Invitational Photo Shoot Competition, Catch and Release Tournament alang sa elementary og secondary level, Lip-Lipan Cooking Contest, Zumba na Pilarnon, Pahugjaw sa Siargao, Surigao del Norte Inter-Municipality AVPs Competition, 1st Pliar Baroto Race, og Paduwa sa Barangay.
Anaa usab ang LGBT Pilar Triathlon kansa lumba sa dagan, langoy og pakusganay pagpadagan sa bar uto og ang gikahinamang Siargao International Game Fishing Electro Night Party.
Tumong sa sport fishing tournament ang paghatag og dugang kinitaan ngadto sa komunidad pinaagi sa kuhaong baruto gikan sa mga bisitang nga kasagari mag-istar sa “home stay” accomodation nga gihanyag sa mga residente.
Naghanyag usab kini og pinasahing cultural exchange opportunity nga usa sa mga mahinungdanong benepisyo sa kinatibuk-ang kalihukan. (Beth Ruiz)
