BUTUAN CITY – Giklaro sa Philipine Institute of Volcanology and Seismology kon PhiVolcs nga magnitude 6.0 nga linog ang mitay-og pasado alas-7:03 ning buntaga sa lungsod sa General Luna, Siargao Island sa Surigao del Norte.
Nasubay ang maong linog sa gilay-ong 11-kilometros sa sidlakang bahin sa maong lugar ug nasuta nga tectonic ang gigikanan niini ug 10-kilometros ang giladmon.
Subay niini, nabati ang intensity IV nga gikusgon sa pagtay-og didto sa Surigao City sa Surigao del Norte ingon man sa Cabadbaran City sa Agusan del Norte nga mi-abot usab sa ubang mga lungsod apil na sa Butuan City; apil na sa mga lungsod sa Hinunangan, San Francisco, Hinundayan ug Silago sa Southern Leyte.
As of alas-7:55 karong buntag, mi-abot na sa 15 ka mga aftershocks ang mitay-og sa maong dapit lakip na ang natala sa Dapa sa susamang lalawigan.
Padayon pa usab nga gisuta kung duna ba’y damyos nga namugna ang maong linog.
