BUTUAN CITY – Gipasaylo ni Akbayan Partylist Representative Perci Cerdaña si Senador Ronald Bato Dela Rosa human gisaway sa nasangpit nga Senador ang dagway sa maong kongresista pinaagi sa komento niini sa facebook.
Mala-umon usab si Cerdaña, nga makapangayo usab og pasaylo si Senador Bato ngadto sa mga sama niyang stroke survivors. Dugang sa opisyal nga pamahayag niini nga lahi na matud pang hisgutanan kung gamiton na sa usa pa public official ang tingog niini arun manghadlok ug mamihig sa publiko.
Kahinumdumang napugos sa pagpangayo og pasaylo si Senador Bato sa kongresista human kini gigisa sa publiko tungod sa dili niini makatarunganong pagpanamas-tamas sa dagway sa maong representante kansa nag-unang kritiko ni Vice President Sara Duterte.
Sayrang ning komento si Senador Bato sa usa ka pamahayag ni Cerdaña sa Facebook mahitungod sa pagkumpara ni VP Sara sa Impeachment ngadto na sa break-up sa relasyon.
Sumala ni Bato nga daw gisumbag matud pa ang dagway sa maong kongresista, gihagit pa niya kini nga mo duol kaniya aron sumbagon ang pikas bahin para mahimo kining pantay. Apan daling nabali ang hangin alang sa Senador, human nasayrang stroke survivor diay si Cerdaña, rason nga hiwi ang panagway niini.
Sayrang sa social media post ni Senador Bato, gipasangil niining tungod lamang usab matud pa sa kasuko sa mga Mindanaoan ingon man sa ubang mga Cebuano-speaking nga mga katawhan kung nganong nabuhian niya kadto nga mga dili maayong pulong, dayon butyag sa pagpangayo niini og pasaylo sa nahisgutang kongresista.
