BUTUAN CITY – Gipamugos ni Sen. Erwin Tulfo nga wala siya’y plano nga modagan sa 2028 national elections, sunod sa sugyot nga “Leni-Erwin” tandem batuk kang Vice President Sara Duterte nga nagduso na og intensyong modagan sa pagkapangulo.
Sigon ni Tulfo, bisan og makatambok sa kasing-kasing ang suhestiyon, wala siya’y plano nga mosulod sa mas taas nga posisyon.
Matud pa niini nga wala pa natapos ang 2025, wala og tuo na ang batikos ug mga kasong ilang giatubang rasong dili gusto sa ilang pamilya og bag-ong gubot.
Sumala usab niini nga nahisgutan na nila sa igsoon nga si Sen. Raffy Tulfo nga dili usab kini modagan sa mas taas nga puwesto sa 2028 ug re-election lang ang target.
Para kang Tulfo, nagdepende kang danhe Vice President Leni Robredo kung subli kining modagan sa pagkapangulo ug kung kinsa ang pilion niining mahimong running mate.
Gisugyot sa senador ang pipila ka pangalan sama nila Sen. Bam Aquino ug Sen. Risa Hontiveros isip mas haom nga mamahimong ka-tandem ni Robredo.
Apan subling gipamugos ni Tulfo nga sa karun wala siya’y planong modagan ug mas piliong molikay sa bag-ong kontrobersiya.
