BUTUAN CITY- Gidepensahan ni Senador Ronald Bato dela Rosa si Kanhi Presidente Rodrigo Roa Duterte mahitungod sa tiaw-tiaw niining patyon na lamang matud pa nila ang kalabang 15 ka mga senador arun siguradong makasulod ang mga ka-partido niini sa Senatorial slate karong umalabot nga election.
Sumala pa ni Senador Bato nga wala matud pay kahulugan ang maong pamahayag sa kanhi Presidente, tungod kay kung ugaling duna matud pa siyay planong patyon niini ang 15 ka mga Senador, wala na matud pa untana niya kini gi bulgar sa publiko.
Una nang gibuhian sa kanhi Presidnete ang statement niini sa proclamation rally sa ilang team isip tiaw-tiaw, nga patyon na lamang matud pa nila ang laing 15 ka mga senador pinaagi sa pagbomba, arun mkasulod ang mga kaalyado niini sa Senado, gipahigayon ang maong rally sa Club Filipino, San Juan City niadtong Huwebes, Pebrero 13, 2025.
Kadumdumang gibatikos usab ni Pangulong Ferdinand Marcos Jr. ang kampo sa mga Duterte sa mismong balwarte niini sa Davao, atul sa political rally sa Alyansa Para sa Bagong Pilipinas sa Carmen, Davao del Norte, diin gisaway ni Pangulong Marcos ang mga pamahayag sa kanhi Presidente.
