BUTUAN CITY – Na-apil ang pangalan ni Senador Ronald ‘Bato’ de la Rosa ug uban pang mga personalidad, sa giyagyag ni Atty. Kristina Conti, ang affiliated lawyer sa International Criminal Court kon ICC, nga nalambigit sa mga pagpatay sa war on drugs sa administrasyon ni kanhi Pangulong Rodrigo Duterte.
Bisan og wala pa kini mapamatud-i, gibarugan ni Atty. Conti nga ang tanang mga dokumentong duna’y kalambigitan niini, dako ang posibilidad nga tinuod. Apil sa gihisgutan sa abogado sila kanhi Philippine National Police kon PNP Chiefs Oscar Albayalde ug Eleazar Mata ingon man sila kanhi Criminal Investigation and Detection Group kon CIDG Chief Romeo Caramatug PCo. Edilberto Leonardo, kinsa pulos ubos sa administrasyon ni kanhi Pangulong Rodrigo Duterte.
Dugang pa ni Atty. Conti, daghan pa og gilantaw karon ang ICC nga mga police officers nga nalambigit sa mga extra judicial killings sama sa mga regional, provincial, city ug municipal police officers. Nagtuo usab ang ICC nga ang maong mga pagpamatay, ubos sa kamanduan ni kaniadto Pangulong Duterte.
