BUTUAN CITY- Minghimo og all-member closed-door caucus ang Senado sa hangyo ni Senator Pia Cayetano, chairperson sa Senate Committees on Energy and Ways and Means, aron hisgutan ang duha ka proposed law sa tumong nga pakunhuran ang presyo sa lana; una, temporaryo nga suspindihon o kunhuran ang fuel excise tax, ika-duha tugotan ang importasyon sa biofuel.
Sumala ni Cayetano, dili pa posibleng hisgutan sa plenaryo ang excise tax bill tungud gihuwat pa sa Senado ang bersyon gikan sa House of Representatives, kinsa tinubdan sa mga sugyot nga adunay kalabutan sa buwis.
Alang usab sa importasyon sa biofuel, gusto matud pa niining hisgutan usa ang mga ma-igo nga industriya uban sa iyang mga kaubang senador.
Dugang pa sa senador, nga kung ma-uyonan nila, ug nagpasa na sa ilang bersyon ang kamara, posibleng mapasa pareho ang duha ka sugyot balaodnon adiser mag session break ang Kongreso.
