BUTUAN CITY – Subay sa kontrobersyal nga pamahayag ni Senador Rodante Marcoleta nga angay isurender ang Kalayaan Island Group (KIG) tungod kay kini labaw pa sa exclusive economic zone (EEZ) sa Pilipinas, mitubag si Senador Panfilo Lacson nga ang pagbiya sa KIG sama ra sa pagsurender sa tibuok nasod.
Gipunting ni Lacson nga ubos sa international law, ang unang discovery ug possession sa yuta nga wala’y tag-iya giila nga lehitimong paagi sa sovereign ownership.
Iyang giinsist nga dili madawat ang ideya sa pagsuko sa KIG tungod kay kini usa ka munisipyo sa Palawan nga gipuy-an sa kapin 300 ka pamilya nga Pilipino.
Dugang pa niya nga ang presensya sa mga residente sa Pag-asa Island nagpamatuod nga kabahin kini sa Pilipinas.
Si Marcoleta, sa laing bahin, nagpahayag nga iyang gisulti nga wala lang nalakip sa arbitral award sa West Philippine Sea ang KIG ug dili kini pasabot nga issurrender sa Pilipinas a apan gipamugos gihapon ni Lacson nga ang KIG kabahin sa atong teritoryo ug dili angay nga ihatag sa uban.
Samtang gi-imbitar ni Philippine Coast Guard (PCG) spokesperson for the West Philippine Sea Commodore Jay Tarriela si Senador Rodante Marcoleta nga mokuyog sa ka maritime domain awareness (MDA) flight padulong sa Kalayaan Island Group (KIG).
