BUTUAN CITY– Nag-atubang si Sen. Ronald “Bato” Dela Rosa sa usa ka ethics complaint human sa daw wala pagtambong niini sa mga sesyon sa Senado sa kapin tulo ka buwan.
Mipasaka og pormal nga reklamo ang anti-corruption group nga “Wag Kang KuCorrupt” sa Senate Committee on Ethics and Privileges.
Sumala ni kanhi Finance USec. Cielo Magno, nga ang dugay nga wala pagtunga sa usa ka nag-ingod nga senador ma-ila nga “dereliction of duty” ug pag-abuso sa pagsalig nga gihatag sa publiko.
Sigon pa niini, nga dili irrelevant ang padayon nga pagdawat og kompensasyon gikan sa panudlanan sa katawhan ang usa ka opisyal sa gobyerno kung wala usab gituman ang mandato niini.
Samtang, sigon usab ni Ethics and Privileges Committee Chairman JV Ejercito nga aduna pay 5 ka ethics complaints nga nag-bitay sa committee ug kinahanglan matud pa kining unahon sa hearing isip pagsunod sa tradisyon sa maong komite.
Gipasi-ugda usab ni Ejercito nga dili pwedeng unahon ang ubang kaso batok kang Dela Rosa, ug giklaro nga wala sa iyang desisyon kung unsa ang angay nga solusyon sa Sendor.
Matud pa niini, nga anaa sa kamot sa Committee members kung unsa ang mahimong final desisyon sa reklamo batok kang Dela Rosa.
Pagklaro usab ni Senate President Vicente “Tito” Sotto III, nga walay kasamtangang gipatuman nga balaod ang Senado alang sa dugay nga pag-absent sa usa ka Senador, hinungdan nga hilom ang Senate Rules sa kahimtang ni Dela Rosa.
Bisan wala na minghatag og kumpletong detalye, gisisguro usab sa Senate President nga aduna na silay nahisgutan nga pwedeng idugang nga polisiya kalabot sa dugang nga pag-absent ni Dela Rosa, usa na matud pa niini ang posibleng pag-freez sa sweldo sa Senador.
Samtang, sa ika-64 nga adlawng natawhan ni Sendor Ronald “Bato” Dela Rosa niadtong Enero 2026, nagpagawas kini og mensahe nga “alive and well” ug naghulat lang og “true justice.”
Gibatikos usab niini ang daw “fake, foreign meddling” kalabot sa imbestigasyon sa International Criminal Court kon ICC sa kasong crimes against humanity nga adunya kalabotan sa kampanya kontra droga sa administrasyong Duterte.
Base sa taho, hisgutan sa Senate Committee on Ethics and Privileges sa sunod simana ang reklamo batok kang Dela Rosa aron masuta kung adunay igo nga basehan alang sa mas lawon nga imbestigasyon.
Kahinumdumang wala na nkaita sa publiko si Dela Rosa sukad niadtong Nobyembre 2025, nunot sa taho nga kini imbistigahan sa International Criminal Court.
Ang prolonged absence niini, ming resulta sa kabalaka sa ubng sektor kansa possible matud pa nga ma-apektuhan ang integridad sa Senado ug ang pagsalig sa publiko sa mga napili nga opisyal.
