BUTUAN CITY – Inanay nang nabati ang epekto sa pagbalik sa pwesto ni Senador Vicente “Tito” Sotto III isip Senate President .
Isip kabahin sa re-organisasyon sa 20th Congress, pipila ka mga senador ang natudlo na nga bag-ong chairman sa pipila ka komite, usa ka istratihikong lakang aron mahi-usa ang gahom ug ma-realign ang mga legislative priorities.
Apil niini ang pagkatudlo ni Senador Panfilo ‘Ping’ Lacson isip Senate President Pro-Tempore, samtang si Senador Juan Miguel Zubiri usab ang natudlong majority leader ug si Senador Risa Hontiveros mi-abin na sa bag-ng majority samtang anaa na usab karon sa minority bloc sila Senador Chiz Escudero, Ronald ‘Bato’ de la Rosa, Robin Padilla, Bong Go ug Imee Marcos.
Samtang si Senador Alan Peter Cayetano nabutang sa Senate Trade and Industry samtang ang Science and Technology gikuptan na karon ni Senador Bam Aquino uban sa daan na niyang gikuptang Committee on Basic Education.
Samtang ang Senate Committee on Urban Planning, Housing and Resettlement nga gikuptan kaniadto ni Senador JV Ejercito, gikuptan na ni Senador Lito Lapid.
Gika-ingong ang maong lahugay, labaw pa sa musical chairs— tungod kay recalibration matud pa kini sa legislative power.
