BUTUAN CITY – Back-to back nga kadaugan sa Best sports section, Secondary English, School Paper Category ang nasakmit sa mga magtutungha sa Sta. Fe National High School, sa Department of Educatuion kon DepEd-Siargao Division alang sa National Schools Press Conference nga gipahigayon sa Vigan, Ilocos Sur.
Nasakmit sa ‘The Sea Breeze’ school paper ang maong kadaugan dala ang pangalan sa Caraga Region, diin nakuha usab niini ang 4th Place sa Best layout and page design nga maoy nakadala kanila sa kadaugan isip 3rd placer sa Best school Paper.
Sumala ni Pedro Tecson, tigpamaba sa Department of Education kon DepEd-Caraga, daghan pang mga medalya ang nahakot sa Caraga Region alang sa National Schools Press Conference sama sa 2nd Best editorial section alang sa elementary school paper English category nga nakuha sa mga tinun-an sa school paper nga The Innovators sa Bad-as Elementary School, sa lungsod sa Placer alang sa Surigao Del Norte Division.
Anaa usab ang 2nd place alang sa Pinakamahusay na Pahinang Pang-agham at Teknolohiya School paper category nga nasakmit sa Lambigit, Bislig City, 4th place usab kini alang sa pinakamahusay na pahinang pampalakasan.
Ang pamahayag ni Pedro Tecson, tigpamaba sa Department of Education kon DEPED Caraga sa pakighinabi ning sibyahan. Subay niini, napili usab si Merriah Ella Becina ang Most Outstanding Campus Journalist alang sa elementarya, samtang si Kissy Nicole Yecyec usab ang napiling Most Outstanding Campus Journalist alang sa sekondarya.
Samtang ang mga magtutudlong sila Ana Rubi Serño maoy napiling Most Outstanding School Paper Adviser alang sa Elementarya, ug si Lilibeth Francisco usab ang Most Outstanding School Paper Adviser sa Secondarya.
