BUTUAN CITY – Gisuspinde na sa probinsyal nga panggamhanan sa Dinagat Islands ang tanang biyahe sa kadagatan ug klase nga duol sa baybayon tungod sa hulga sa tsunami waves nga resulta sa magnitude 8.7 nga linog nga mitay-og sa Kamchatka Region sa Russia kaganihang alas-7:24 sa buntag, oras sa Pilipinas.
Kini human nagpagawas og advisory ang Department of Interior and Local Government (DILG) alang sa tanang apektadong local chief executives sa Regions II, III, IV-A, V, VIII, IX, ug Caraga Region aron magpatuman og pre-emptive evacuation ug pag-andam sa mga precautionary measures tungod sa gilauman nga minor sea-level disturbance nga dala sa kusog nga linog.
Dayong gibakwit ang mga molupyo nga duol sa baybayon paingon sa mas taas nga lugar ug gi-activate usab ang alert status sa tanang barangay sa maong probinsya.
