Katingad-an alang sa usa ka legal expert kung nganong karon pa lamang gihimo sa Presidente ang pagsusi ug pag inspeksyon sa mga flood control projects sa Pilipinas.
Sumala ni Atty. Orley Montalban, daw pagpanghunaw lamang ang nasangpit nga mga aksyon diha sa accountability sa mga nahitabong kurapyon sa tibook nasod.
Sumala niini nga kung buot hunahunaon, duna man matud pay bilyones nga intelligence fund ang Presidente ug mamahimo niya kining gamiton sa diha sa pagpaimbistiga sa mga anumalusong proyekto sa iyahang pangamhanan kaniadtu pa lamang.
Dugang sa abugado nga gawas nga karon ra usab nga administrasyon ninggara ang mga kurap nga mga opsiyales, karon ra usab nahuyang ang pangamhanan sa pakigbatok sa kurapsyon, apan kalit na lamang matud pang nihimo og lakang ang Presidente alang niini. Dugang ni Montalban, kaduha-duhaang wala na usab kini motibo nga itandi sa nakalabayng administrasyon.
Subay niini, kinahanglan matud pang masustiner ang pakigbatok sa kurapsyon ug dili lamang tungod kay dunay gusto ang usa ka politiko nga pamatud-an sa katawhan, ug alang usab sa publicity niini.
Kinahanglan matud pang naka institutionalized sa Pilipinas ang gubat batok sa kurapsyon, kansa mamahimong buhi bisan kon wala na ang Presidente sa pwesto niini.
