BUTUAN CITY – Gibana-banang mu-abot sa 95-porsiento sa mga Grades 1 ug 7, ingon man mga babayeng Grade 4 pupils sa mga public schools gikan sa Ilocos Region ang makabenepisyo sa ibalik nga school-based immunization program sugod sa Oktubre hangtud sa Nobyembre.
Sigon ni Dr. Rheuel Bobis, head sa Department of Health – Center for Health Development (DOH-CHD)-Region 1 kon Ilocos Region, gi-awhag na nila ang mga ginikanan sa 200,000 ka mga learners sa maong mga grade levels, nga pabakunahan ang ilang mga anak alang sa measles-rubella and tetanus-diphtheria vaccines.
Samtang 40,000 usab ka mga babayeng magtutungha sa Grade 4 ang eligible alang sa human papillomavirus vaccines. Ang maong school-based immunization program nahunong niadtong tuig 2021 tungod sa COVID-19 pandemic apan ipadayon karong tuiga aron maprotektahan ang mga learners batuk sa mga sakit nga mahimong likayan.
