BUTUAN CITY- Padayon nga minglusad ang Technical Education and Skills Development Authority kon TESDA sa ilang scholarship program alang karong tuig, sumala ni Engr. Florencio Sunico Jr. Regional Director sa TESDA-Region XIII, kansa nagtumong sa paghatag og libreng training sa liboan ka benepisyaryo.
Sumala pa niini, nga adunay gi-allocate nga kapin P71 milyon gikan sa regional fund diin makabenepisyo sa mga 2,500 ka learners sa nagkadaiyang kurso sama sa agrikultura, turismo, konstruksyon, health ug manufacturing.
Dugang pa ni Suncio, nga adunay laing P42 milyon nga pondo gikan sa central office nga mobana-bana sa sobra 200 ka dugang benepisyaryo, hinungdan nga mosaka sa kinatibuk-ang P113 milyon ang budget alang sa programa karong tuiga.
Sa kinatibuk-an, gilauman nga moabot sa 4,000 ka learners ang makapahimulos sa libre nga training nga gitumong sa pagpalambo sa job-ready skills o mga kahanas nga direktang makatabang sa pagpangita og trabaho.
Giawhag sa usab TESDA ang mga interesadong aplikante nga moduol sa ilang opisina sa TESDA aron makarehistro ug makpahimulos sa maong programa.
