BUTUAN CITY – Giklaro ni Senador Panfilo ‘Ping’ Lacson, nga wala pa gi-terminate sa iyang gipangunahang Senate Blue Ribbon Committee ang pagdungog kalabot sa kontrobersyal kaayong flood control projects.
Gipadayag kini sa senador sa ilang pagbalik sa hearing kagahapon kondiin wala na nila gituki ang maong isyu ug hinuon, mas gipili nga hisgutan ang isyu sa Bureau of Internal Revenue kon BIR kansa gibatikos og maayo sa mga netizens nga nag-atang sa maong pagdungog. Gipasabot sa senador nga iya nang gimando ang pagsugod na pag-craft sa partial committee report.
Iya usab nga gipasabot nga ang kadaghan matud pa sa mga reklamong ilang nadawat kalabot sa nagkada-iyang isyu sa Bureau of Internal Revenue kon BIR ang rason nga kini ang ilang gitutukan sa pagdungog kagahapon.
Gipasabot pa sa senador nga nakapasa na sila og rekomendasyon nga kasuhan ang mga district engineers nga nalambigit sa kurapsyon uban sa mga nakuha nilang mga ebidensya.
Higayong makompleto na matud pa ang report, kini na ang ilang basehan sa paghimo sa ilang mandato in aid of legislation ug in aid of investigation.
