BUTUAN CITY- Nagpabiling normal ang kahimtang sa mga kababayang Pilipino nga anaa sa Saudi Arabia taliwala sa taho nga gi-atake sa Iran ang maong nasud.
Sumala ni Angelo Jayoma, Bombo International Correspondent to Saudi Arabia kinsa kasamtangang anaa sa Riyadh nga normal days lang gihapon ang ilang nasinati ingon man sa Eastern Region kinsa gika-ingong gipa-ulanan og ballistic missiles ug drones sa Iran.
Gibutay usab niini, nga gibuhat sa Saudi Arabia ang tanan aron mahimong luwas ang tanang katawhan ug ma-intercept ang tanang mga pag-atake nga musolod sa rehiyon, gani as of Marso 16 sa hapon oras sa maong nasud, nakatala na sila og 61 ka drones nga na-intercept.
Sigon pa ni Jayoma, nga gawas sa ang Eastern Region silingan sa Iran, mao usab kini ang lugar diin asa nahimutang ang mga Oil Companies ug kasagari nahimutangan sa mga US Facility hinungdan nga nahimong target sa Iran.
