Sarangani province, gitay-og sa magnitude 5.7 nga linog

BUTUAN CITY – Padayon pang gipanubayan sa Municipal Disaster Risk Reduction and Management Council sa lungsod sa Maitum, Sarangani province kung nagbilin ba og damyos ang mitay-og nga magnitude 5.7 nga linog nga mi-igo sa maong lungsod kaganinang alas-5:42 sa sayong buntag.

Duna na’y natalang mga aftershocks ang Philippine Institute of Volcanology and Seismology kon PhiVolcs human sa linog nga tectonic ang gigikanan ug duna’y giladmong uas ka kilometro.

Nabati ang kusog nga pagtay-og sa lungsod sa Kiamba sa susamang probinsya ingon man sa mga lungsod sa T’boli, Banga, Surallah ug Tupi sa South Cotabato human natala ang intensity IV.