Sapatos ni Elvis Presley, gisubasta sa kantidad nga kapin P8M

BUTUAN CITY – Nahalin og $152,000 kon dul-an sa 8.9-milyunes pisos sa auction ang sapatos sa patay nang si Elvis Presley. 

Ang “Blue Suede Shoes” gisubasta sa Henry Aldridge and Son auction house sa Britanya kondiin ang presyo sa auction nagsugod sa kapin $69,600. 

Ang size 10 nga sapatos nga duna’y tatak nga “Nann-Bush” ug gisuot sa singer samtang nag-perform sa stage niadtong 1950, napalit sa taga-California. 

Mao kini ang iyang gisuot samtang iyang gikanta ang mga sikat niining kanta nga “Hound Dog”, “I Want You, Need You, I Love You” atol sa The Steve Allen Show niadtong 1956. Ang Blue Suede Shoes, usa sa mga sikat nga kanta ni Presley.