BUTUAN CITY-Gikuptan na sa San Miguel Beermen ang 2-1 nga bintaha sa best of seven PBA 50th Season Philippine cup finals batok sa TNT Tropang 5G sa skor nga 95-89.
Nahimong agresibo ang TNT sa last quarter kung asa natala nila ang 10-0 run ug nakuptan nila ang 89-88 nga bintaha sa dula nga gipahigayon sa Mall of Asia Arena.
Apan, sanglit nakakuha og tsansa si CJ Perez ug napasulod ang four-pointer sa nabiling 41.8 segundo.
Gisunduan usab dayon ni Perez og three-points sa nabaling 12.3 segundo aron subli nga makuha sa Beermen ang 2-1 nga bintaha.
Gidayeg ni San Miguel head coach Leo Austria si Perez tungod wala kini wadan-an og focus aron modaog. Nag-una si Perez sa kadaogan sa Beermen nga adunay 20 points, 5 ka rebounds, 4 ka assists ug 1 ka steal, samtang 16 points ug 27 rebounds usab kang June Mar Fajardo.
