BUTUAN CITY – Naglusad og saliva test kagahapong adlawa ang taga-Philippine Red Cross kon PRC-Butuan City/Agusan del Norte chapter.
Sigon ni chapter administrator Alger Boter, ang mga nagparehistro lang online sa ilang website ang ilang gi-cater kondiin ipagawas nila ang resulta paglabay sa 72-oras human ma-analyze ang saliva sample sa mga nagpasusi kanila.
Sa eksklusibong pakighinabi sa Bombo Radyo Butuan, gibutyag ni Boter nga ang ilang koleksyon sa laway himuon lang matag-adlaw’ng Martes ug Huwebes gikan sa alas-otso sa buntag ngadto na sa alas-dose sa udto tungod kay ila pang ipadala ngadto sa molecular laboratory sa PRC-Surigao City ang maong mga saliva samples alang sa himuong analysis.
Ang bayad usab niini nga 2-mil pesos, mamahimong i-transact online.
