BUTUAN CITY – Sugdan na ugmang adlawa, Hunyo 20 hangtud sa Agosto 2 ang kampanyang Sabayang Patak Kontra Polio.
Kinahanglang mabakunahan ang nag-edad sa 5-anyos paubos sa tibook rehiyon sa Caraga. Dunay himoong virtual launching ugmang adlawa adiser e-deploy ang mga vaccination team og social mobilizers.
Giklaro ni Jea Alexis Saga, Area Coordinator sa Relief International sa Caraga, nga adiser paman ang Covid-19, duna nay natigayong Polio Outbreak sa Pilipinas sugod niadtong Setyembre 2019. Gikinahanglan ang bakuna kontra polio bisan paman sa mga lugar nga dunay Covid-19 aron sa ingon dili magkadako ang nasangpit nga outbreak nga magdugang unya sa problema sa nasud.
Apan gitin-aw niini nga kung kaniadto ilang tapukon ang mga ginikanan diha sa covered court, karun himoon na kining house-to-house samtang ginasunod usab ang mga health protocols nga gitakda sa IATF sama sa pagsoot ug face mask o face shield ug social disctancing.
Ang sakit nga Polio, walay tambal og ang bugtong paglikay lang niini mao ang Bakuna o Oral Polio Vaccines kon OPV.
Gipaneguro usab ni Saga nga luwas, walay daotang epekto og walay overdose ang Polio Vaccine nga kung mas daghang bakuna, mas luwas ang bata. Gilakbitan usab niini ang epekto nga hatud sa polio nga mao ang pagka-paralisar, lumpo o kamatayon.
Gi-awhag nalang ni Danny Saballero, Communication for Development Specialist sa Relief International-Caraga, ang mga ginikanan nga pabakunahan ang ilang mga anak bisan kadtong nabakunahan na sa Polio Vaccine.
Makuha ang sakit nga polio pinaagi sa pagkaon o pag-inom sa tubig nga kontaminado sa hugaw sa tawo nga infected sa Polio.
Kini dayung awhag nga maglimpiyo sa palibot, maghugas sa kamot adiser o human sa pagkaon, maghugas usab og kamot adiser o human sa pagpagawas og hugaw.
