BOMBO BUTUAN – Gipanghimakak sa Department of Health kon DOH ang mga hungihong nga magpatuman pa ang nasod sa Pilipinas og lockdown tungod sa sakit nga monkeypox kon mpox.
Gihimo sa ahensya ang nasangpit nga pamahayag taliwala sa mga nikuyanap nga mga facebook posts.
Pagklaro ni Department of Health spokesperson Assistant Sec. Albert Domingo nga dili kinhanaglang magpatuman og lockdown ang nasod tungod kay dili man airborne ang mpox, pasabot nga dili mapasa ang maong virus pinaagi sa hangin sama sa kaniadtung COVID-19.
Sigon sa opisyal nga taliwala sa mga kabalaka sa publiko, mas daghan gihapon matud pa ang mga kaso sa MPOX nga natala sa nasod niadtung nakalabayng tuig kung itandi sa mga na tala karong tuiga.
Dugang niini, mas daghan usab ang natala sa maong virus niadtung bulan sa Abril kung itandi niadtung bulan sa Mayo ning kasamtangan nga tuig. Gikutay usab ni ASec. Domingo ang mga natala nga mga kaso sa maong virus sa mas abtik pa nga panawagan sa mga local nga pangamhanan sa mga katawhan niini batok sa nasangpit nga sakit.
Pagklaro usab sa opisyal nga wala pa nakasulod sa Pilipinas ang variant sa mpox nga Clade 1B, kansa una nang natala sa ubang mga nasod.
Subay niini nga kasagaran lamang matud pang nadetect sa Pilipinas ang Clade II nga variant kansa mild variant lamang sa mpox ug ubos nga mortality rate.
Ang pamahayag ni ASec. Albert Domingo.
