BUTUAN CITY – Wala’y nasabutang ceasefire sa Ukraine sila US President Unidos Donald Trump ug Russian President Vladimir Putin sa ilang panagtagbo sa Joint Base Elmendorf-Richardson sa Alaska.
Pareho nilang gitawag nga “extremely productive” ang summit, apan gibutyag ni Trump atubangan sa media nga wala’y kasabutan hangtud nga wala’y ceasefire dayong bahad og grabe nga silot sa ekonomiya kung padayong magdumili si Putin sa alang sa kalinaw.
Dili imbitado sa tigom si Ukrainian President Volodymyr Zelenskyy, kans auna nang gikabalaka sa mga ka-alyado sa Europa.
Samtang natigayon ang summit, naglusad na usab og bag-ong drone strikes ang Russia sa Ukraine nga gikamatay sa pito ka mga sibilyan samtang laing 17 ang angol.
Karong wala’y nakab-ot nga kasabutan, gihulat na lang sa international community ang sunod nga mga lakang nga himuon sa hingtungdang mga lider.
Nagtigom usab ang mga pro-Ukraine demonstrators sa gawas sa base, bitbit ang mga plakards nga duna’y sulat nga “Alaska Stands With Ukraine”.
