BUTUAN CITY – Gipa-ilawom na sa state of calamity ang Roxas City tungod sa padayong mga pagbaha nga mugna sa wala’y hunong nga pag-ulan tungod sa bagyong Ramil.
Sigon ni Roxas City Mayor Ronnie Dadivas, tumong sa deklarasyon nga mapadali ang pagpagawas sa pundo alang sa mga biktima sa bagyo sa ingon mapaspasan ang paghatag og ayuda sama sa pagkaon, tambal, temporaryong kapuy-an ug uban pa.
Base sa datus sa Regional Disaster Risk Reduction and Management Council Region VI, kumpirmadong tulo na ang patay sa Capiz tungod sa grabeng pagbaha samtang mi-abot na sa 3,307 ka mga pamilya kon bugti sa 9,965 ka mga tawo gikan sa 61 ka mga barangay ang apektado sa maong kalamidad.
Tungod niini, suspendido ang klase sa tanang lebel sa siyudad sugod karong adlawa hangtud karong Miyerkules.
