Russia, gibasol ang Ukraine sa pagkasunog og pagtiklaob sa ilang barko

BUTUAN CITY – Gibasol sa Russia ang Ukraine nga sila ang anaa sa likod sa pagpa-unlod sa ilang tanker sa Mediterranean Sea dool sa Libya.

Sumala sa Libyan Maritime Authority nakadungog sila og kusog nga pagbusikad ug dakong sunog sa Arctic Metagaz.

Ang Russian-flagged tanker dunay kargang 61,000 tonelada sa liquefied natural gas ug kini hingpit nga mitiklaob sa kadagatan.

Ang tanan matud pang 30 ka crew members nga sakay sa barko ang naluwas.

Gitawag usab ni Russian President Vladimir Putin ang insidente isip “Terror attack” gikan sa gidudahang drones sa Ukraine.

Tungod kay dunay pipila ka insidente na nga natalang pag-unlod sa Ukraine drone sa mga barko sa Russia sa kadagatang sakop sa Libya.