BUTUAN CITY – Gipasigarbo ni Liliana Villarreal, Artemis II Landing and Recovery Director, ang luwas ug sistematikong pagka‑recover nila sa upat ka mga crews sa Artemis II human ang malampusong splashdown sa kadagatan duol sa San Diego, California kagahapon.
Gibutyag niining ma-ampingon ang ilang pagpangandam ug balik-balik usab ang ilang rehearsals ug contingency plans nga maoy yawe aron masiguro ang maayong operasyon.
Human ang siyam ka adlaw nga misyon sa palibot sa buwan, luwas nga nakabalik sa kalibutan sila Reid Wiseman, Victor Glover, Christina Koch, ug Jeremy Hansen, kinsa gipa-ilalom gilayon sa medical check ug nakumpirmang anaa sila sa maayong kahimtang.
Dugang pa ni Villarreal, tumong sa ilang operasyon, dili lamang ang luwas nga pagkuha sa crew kondili apil na ang paspas nga pag‑secure sa Orion spacecraft alang sa pagsusi ug data collection.
Dinhi usab niya nabalik-lantaw ang nahitabo sa unang Apollo Mission nga iyang gikabiliban niadtong bata pa siya ug wala niya damhang makasumpay siya niini.
Ang Artemis II nakatala og bag-ong rekord paglawig sa pinakalayong distansya nga na-abot sa tawo gikan sa kalibutan nga mi-abot sa kapon 400,000-kilometros ug naghatag og mga hulagway nga kuha gikan sa lunar orbit apil ang talan-awon sa “Earthset.”
Ang malampusong recovery, nakitang importanteng lakang padulong sa Artemis III, nga gila-umang magdala sa mga astronauts ibabaw sa buwan sa unang pagkakataon mula pa noong 1972.
