BUTUAN CITY – Nakita ang minority bloc sa Senado nga aduna’y tulubagon si kanhi House Speaker Martin Romualdez tungod sa iyang pagpasagad sa anomalya sa mga flood control scandals.
Sa ilang 576-ka palid nga report nga gipirmahan sa unom ka senador ug gisuBmite sa opisina ni Senate President Vicente Sotto III, gipunting niini si Romualdez nga dili makalikay sa accountability tungod sa alegasyon nga nakadawat siya og kickbacks gikan sa mga proyekto sa Department of Public Works and Highways, base na sa testimonya ni Orly Guteza.
Lakip sa report ang daghang opisyal ug kontraktor nga nalambigit, lakip na ang posibleng mga kaso nga ilang atubangon sama sa Anti-Graft and Corrupt Practices Act, Direct Bribery, Malversation of Public Funds, ug Anti-Plunder Act.
Gipunting sa minority bloc nga ang report makatabang sa Senado aron masiguro ang accountability, transparency, ug integridad sa mga programa sa pampublikong imprastruktura.
