BUTUAN CITY – Mipasaka og ₱110,000,000.00 nga kasong libelo si Batangas First District Rep. Leandro Leviste batok kang Presidential Communications Undersecretary Claire Castro tungod sa mga libelous statements matud pa niini may kalabotan sa iyang solar business.
Giklaro ni Leviste nga wala siya’y kumpanyang adunay prangkisa nga iyang gibaligya dayong butyag nga wala niya tuyoa nga pasakitan si Usec. Castro, apan kinahanglan niyang panalipdan ang iyang pangalan tungod kay makadaghang higayon na amtud pa nga nagpagawas og vlog si Castro batok kaniya.
Gipadayag pa niini nga tambag sa iyang abogado nga si Atty. Ferdinand Topacio, nga muhimo pa og ubang legal nga mga lakang may kalabotan niini aron mapanalipdan ang iyang pangalan ug reputasyon nga giguba matud pa ni Castro.
Gipamugos usab ni Topacio nga kini usa ka targeted attack batok kang Rep. Leviste ug dili lamang yano nga isyu sa Freedom of Expression.
