BUTUAN CITY – Ang kompanya nga DroidUp sa China, naghimo og humanoid robot nga si Moya nga sama gayod sa usa ka tawo, gikan sa natural nga lakang ug facial expressions ug ang pinakakuyaw tungod kay aduna siya’y init nga panit nga mura’g tawo ug normal nga body temperature.
Ang female version sa maong robot duna’y gitas-on nga 165-sentimetros ug 32-kilos ang gibug-aton. Makakita siya og tawo gamit ang artificial intelligence kon AI camera ug makasulti nga ubanan pa sa iyang facial expressions.
Gika-ingon nga 92% siya nga mura og tawo gikan sa iyang paglakaw, pero dili pa gyud natural tan-awon kondiin ang iyang presyo mu-abot sa 1.2 milyon yuan kon 173,000-dolyares o bugti sa kapin 10-milyunes pisos.
Target una sa kompanya ang healthcare ug education facilities nga ma-apuran niini aron ilang magamit kondiin mi-ani kini og impesibong komento gikan sa mga tawo gikan sa iyang features apan ang uban nakakita nga bakikaw pa ang iyang nawong ug paglakaw.
