BUTUAN CITY – Padayong naglibot-suroy sa tibuok nasud ang Presidential Communication Operation Office (PCOO) officials aron hingpit nga hinluan ug tul-iron ang misinformation ug fake news nga nikaylap kalabot sa kampanya batuk sa iligal nga druga ilawom sa Duterte administration.
Sa eksklusibong pakighinabi sa Bombo Radyo Butuan kang PCOO Assistant Secretary ug Chief Bran Ramon Cualoping, gipadayag niining tungod kay walay laing malabay nga isyu ang oposisyon batuk kang Pangulong Rodrigo Duterte, rason nga gihimo nilang political weapons batok sa Pangulo ang kampanya niini batuk sa ilegal nga druga.
Alayon niini, giklaro sa opisyal nga dili state policy nga mupatay og tawo ingon man ang gitaho sa United Nations nga anaa sa 27-mil ka mga tawo ang gipatay atol sa subsob nga anti drug operation sa nasud.
Gibutyag sa opisyal nga dunay natalang 5,526 ka mga napatay human misukol sa gilusad nga legitimate police ug NBI drug operations.
Sigon ni Cualoping, nakatutok ang pangulo sa problema sa ilegal nga druga tungod sa nakitang dakong perwisyo niini sa estado.
Mawad-an matod pa ug serbe ang mga ipatumang proyekto ug programa sa nasud kung magpabiling nalubong sa drogas ang katawhang Pilipino.
Usa sa mga pananglitang nasud sa Presidente mao ang Mexico nga nagpabiling nag-ilaid sa kalisud ang katawhan samtang napuno ang nasud sa mga drug cartels.
