BUTUAN CITY – Dako ang pagtuo ni Engr Dioric Gavino, secretary general sa Sara All Movement nga kabahin sa plano sa administrasyon ni Pangulong Ferdinand Marcos uban sa iyang mga alipores ang pagpalutaw kang Ramil Madriaga ug nag-akusa kang Vice President Sara Duterte nga nagdawatan matud pa og campaign fund niadtong tuig 2022 gikan sa mga Philippine Offshore Gaming Operators kon POGOs ug sa mga drug syndicates.
Sa eksklusibong pakighinabi sa Bombo Radyo Butuan, gibalik-lantaw ni Gavino ang mga nagapanghitabo atol sa kampanya diin anaa siya mismo kondiin niadtong tungura, join pa ang Uni-Team.
Aminado siyang daghang mga funding sources ang nanulod sa maong partido apan wala matud pa magkupot niini ang kantidato pa lang kaniadto nga si Inday Sara Duterte tungod kay gikuha na kini ni kanhi House Speaker Martin Romualdez samtang amg laing support funds, gikuptan usab ni Atty Liza Marcos.
Giklaro usab niini nga bisan siya nga kanunay’ng anaa sa mga rali diin atua si Duterte, wala maka-ila kang Madriaga rason nga natingala siya kung asa kini gikuha sa mga nagpaluyo kaniya aron dauton ang besi presidente.
Panahon matud pa sa pagpangampanya, wala na siya kabantay kung asa gikan ang mga pundo tungod kay ang Logistics man o Finance Committee ang in-charge niini. Usa matud pa sa nakita nilang nagpaluyo niini nga modus si Antonio Trillanes IV nga suportado sa administrasyon.
