BUTUAN CITY – Gipagawas na sa National Basketball Association (NBA) ang resulta sa ilang gihimong bunatay alang sa NBA Cup sa 2024-2025 Season nga magsugod sa Nobyembre 12 kondiin sublilng mag-agbat ang 30 ka mga NBA teams alang sa NBA Cup trophy.
Kini na ang ikaduhang serye sa NBA Cup, human ang inaugural tournament ning mi-aging tuig. Ilalom sa Western Conference Group A, mag-agbat ang Minnesota Timberwolves, LA Clippers, Sacramento Kings, Houston Rockets, ug Portland Trail Blazers.
Samtang sa Group B, mag-agbat usab ang Oklahoma City Thunder, Phoenix Suns, Los Angeles Lakers, Utah Jazz ug San Antonio Spurs.
Ang Group C langkuban sa Denver Nuggets, Dallas Mavericks, New Orleans Pelicans, Golden State Warriors ug Memphis Grizzlies.
Samtang sa panig sa Eastern Conference, ang Group A langkuban sa New York Knicks, Orlando Magic, Philadelphia 76ers, Brooklyn Net ug Charlotte Hornets.
Ang sa Group B, anaa usab ang Milwaukee Bucks, Indiana Pacers, Miami Heat, Toronto Raptors ug Detroit Pistons ug ang Group C, langkuban sa Boston Celtics, Cleveland Cavaliers, Chicago Bulls, Atlanta Hawks ug Washington Wizards.
Madumdumang sa 2023-2024 Season, ang Los Angeles Lakers nga gipangunahan ni Lebron James ang nakakuha sa pinaka-unang tropeo sa NBA Cup.
