BUTUAN CITY – Gikumpirma sa Department of Justice (DOJ) nga mipailalom na sa makuting pagtoon ang resolution sa kasong grave threats ug inciting to sedition batuk kang Vice President Sara Duterte.
Sigon ni DOJ spokesperson Atty. Polo Martinez , nga dunay draft ang nasangpit nga kaso apan kini ipailalom sa pagtoon.
Gikonsidera nga nag-ong-ong ang kaso tungod sa pagtoon sa mga division head sa DOJ.
Mahinumduman nga niadtong Pebrero 2025 sa dihang nagduso ang National Bureau of Investigation (NBI) tungod sa gihimong paghulga ni Duterte niadtong Nobyembre 2024.
Sa nasangpit nga pamahayag gibutyag sa Bise Presidente nga duna kini gikuhang tawo aron patyon si Pangulong Ferdinand Marcos Jr, First Lady Liza Marcos, ug House Speaker Martin Romualdez ugaling dunay mahitabo usab kaniya.
Pagklaro ni Martinez nga bisan og nagdeklara na si Duterte sa pagdagan niini sa pagkapangulo dili maaapektuhan ang nasangpit nga kaso.
