BUTUAN CITY – Giklaro ni political observer Lovely Granada, kinsa nag-viral human gihagit og debate si Vice President Sara Duterte, nga wala siya mahadlok nga makigdibate sa mga Duterte supporters ug vloggers.
Kini ang iyang giklaro sa ekslusibong pakighinabi ning sibyahan dihang gisukna kalabot sa iyang rason sa paghagit og debate sa besi presidente.
Gibutyag ni Granada nga migawas kini sa iyang ba-ba isip tubag sa kadaghan sa mga DDS supporters ngas naghagit kaniya og debate nga daw naka-demand matud pa sa iyang oras ug wala maglantaw na duna pa siya’y trabaho gawas diha sa social media.
Aron matud pa ma-usa ra ang tanang nanghagit kaniya, rason nga mas maayo nga si VP Sara na lang ang iyang debatihon tungod kay duna kini gahom sa gobyerno ug anaa sa saktong posisyon aron matubag ang iyang mga pangutana.
Mas maayo matud pa kini aron masabtan sa tanan ang posisyon sa besi presidente sa nagkada-iyang nag-unang isyu sa nasud ilabina nga mideklara na kining mudagan pagka-presidente sa nasud.
Giklaro usab niini nga daan na siyang observant sa mga nag-unang social issues dayong klaro nga bisan si Pangulong Ferdinand Marcos Jr, iya na usab nga gibirahan sa iyang social media posts niadtong panahon pa lang sa pagpangampanya.
Kini tungod kay dili matud pa niya madawat nga laing Marcos na usab ang mudumala sa nasud human sa iyang diktador matud pa nga amahan.
