BUTUAN CITY – Patay ang usa ka padre de pamilya human kini gitigbas sa nakabingkil niyang kanhi-silingan sa sitio Mamacao, Barangay Buhangin, Malita, Davao Occidental kagahapong adalwa, Hwebes pasado alas 6 sa gabie Abril 24,2025.
Naila ang biktima nga si Joven Guban, 30 anyos, residente sa Sitio Udalo sa nahisgutang barangay. Samtang ang suspek nailang si Johnny Bacuna, hamtong ang pangedaron, ug residente usab sa nahisgutang lugar.
Subay sa saysay sa pamilya sa biktima, pabalik na unta ang Joven sa balay sa iyang inahan gikan namalit ug isda sakay sa iyang motor, apan giatangan kini sa suspek ug gitigbas sa makadaghang higayon, rason nga hapit ma-ipo ang liog niini hinungdan sa iyang hinanaling kamatayon.
Subay sa inisyal nga imbistigasyon, nga dunay dumot ang duha human nasuko si Joven sa suspek tungod kay ginatugwayan ni Johnny sa iyang kanbing ang maisan niini.
Bisan paman sa hangyo sa biktima nga mangitag laing lugar aron tugwayan sa iyang hayop nagmagahi gihapon ang suspek hinungdan nga nag-abot pa kini sa barangay.
Kagahapong adalwa, Hwebes, Abril 25 unta sila mag-atubangay sa barangay apan naunhan kini sa nasangpit nga krimen.
Nisulay pa pagsibat ang biktima, apan ni-surrender ra kini sa mga otoridad.
Atubangon sa suspek ang kasong murder, sa kasamtangan, anaa na kini gibalhog sa Malita Municipal Police Station alangsa tukmang disposasyon.
Samtang gibilin sab ni Joven ang iyang lima ka mga anak nga edad usa hangtud napulo katuig pa lang.
